Remotion
تبني الفيديو كامل… بالقوالب
الأداة 1 من 10وش هي؟
مكتبة تبني فيها الفيديو كأنه موقع (React): كل مشهد قطعة، وكل قطعة تعرف متى تدخل ومتى تطلع. قوتها في القوالب: تغيّر كم كلمة في أول الملف ويطلع لك فيديو ثاني.
متى تستخدمها؟
- إعلانات ومقاطع بنفس القالب ونص مختلف
- خمسين منتج = قالب واحد وخمسين فيديو
- نفس الكود بمقاسين: 16:9 ليوتيوب و 9:16 لتيك توك وإنستقرام
- رسوم بيانات من أرقام حقيقية
كيف تشغّلها
- افتح Claude Code في مجلد جديد، أو محادثة جديدة في شات Claude العادي.
- الصق واحد من البرومبتات اللي تحت.
- Claude يثبّت الأداة بنفسه، يكتب الكود، ويرندر لك MP4.
أمر التثبيت اللي يشغّله Claude (للي يحب يعرف):
npx create-video@latest
البرومبتات الثلاث
غيّر اللي بين الأقواس [ ] بفكرتك، وبعدها الصقه في Claude Code أو شات Claude العادي.
1قالب إعلان لأي فكرة
معروض في الحلقةسوّ لي بـ Remotion قالب إعلان [المدة، مثلاً 10] ثواني عن [فكرتك أو منتجك]: شارة فوق فيها [نص الشارة]، عنوان «[العنوان]» يدخل كلمة كلمة، 3 بطاقات فيها [النقطة 1] و[النقطة 2] و[النقطة 3]، وبالأخير [اسمك أو اسم متجرك]. اللون الأساسي [اللون]. خلّ النص واللون متغيرات في أول الملف، استخدم خط Cairo للعربي، وطلّع MP4 بمقاس 1920×1080.البرومبت بالضبط مثل ما طلع في الحلقة
سوّ لي بـ Remotion قالب إعلان 10 ثواني: شارة الحلقة، عنوان يدخل كلمة كلمة، 3 بطاقات، وبالأخير اسم القناة. خلّ النص واللون متغيرات، وطلّع MP4.
2نسخة ثانية + نسخة عمودية من نفس القالب
في نفس مشروع Remotion: غيّر المتغيرات بس، العنوان لـ «[العنوان الجديد]» واللون لـ [اللون الجديد]، وطلّع نسخة ثانية. بعدين سوّ Composition ثاني لنفس القالب بمقاس 1080×1920 عشان تيك توك وإنستقرام، والعناصر ترتّب نفسها عمودي في نص الشاشة. طلّع الملفين MP4.
3رسم بياني من أرقامك
سوّ لي بـ Remotion رسم بياني أعمدة أفقية [المدة، مثلاً 8] ثواني بعنوان «[عنوان الرسم]». الأرقام: [الاسم 1: الرقم، الاسم 2: الرقم، الاسم 3: الرقم…]. كل عمود يكبر وحده بالترتيب ورقمه يعدّ معه، وأكبر عمود بلون [لون مميز] والباقي بلون [لون ثاني]. خط Cairo، خلفية داكنة، طلّع MP4.
⚠️ خذ بالك
- مو مجانية للكل: الشركات اللي فيها أكثر من 3 موظفين تحتاج رخصة شركة.
السعر والرخصة
مجانية للأفراد والشركات اللي فيها لين 3 موظفين والجهات غير الربحية، حتى للاستخدام التجاري. الشركات الأكبر تحتاج رخصة شركة مدفوعة.
روابط رسمية
شفتها في الحلقة
تبي تشوف الأداة وهي تشتغل؟ الحلقة فيها 3 أمثلة حقيقية لكل أداة.