كل الأمثلة في الحلقة سوّاها Claude بالكود: ولا انفتح فيها برنامج مونتاج، ولا انرسمت بيد. هنا كل أداة في صفحة لحالها، مع 3 برومبتات تنسخها وتلصقها في Claude Code أو شات Claude العادي.
افتح Claude Code بمجلد جديد، أو محادثة جديدة في شات Claude العادي
2
الصق البرومبت من صفحة الأداة، وحط فكرتك بين الأقواس
3
Claude يثبّت الأداة ويكتب الكود ويرندر… ويعطيك ملف MP4
💬 ما عجبك شي؟ قل له بكلامك: «خلّ الحركة أبطأ» أو «كبّر الخط»، ويعدّله.
وش تحتاج؟
Claude Code، أو شات Claude العادي: الاثنين يكتبون الكود ويشغّلونه ويعطونك ملف MP4. في الشات تأكد إن ميزة إنشاء الملفات وتشغيل الكود شغّالة من الإعدادات. الأدوات الثقيلة (مثل Remotion) أحياناً تمشي أسهل في Claude Code.
مع Claude Code: كمبيوتر (ماك أو ويندوز أو لينكس)، وClaude يثبّت الباقي بنفسه: Node أو Python و FFmpeg حسب الأداة. مع الشات: ما تثبّت شي، كل شي يشتغل عند Claude.
خط عربي مثل Cairo لو الفيديو فيه نص عربي. نزّله من Google Fonts وحطه في مجلد المشروع، أو ارفقه في الشات.