Claude وGPT ضد «أنا لست روبوت» 🤖 (كله كود!)

2026-10-310:25شورت

أنيميشن ثلاثي الأبعاد 25 ثانية: روبوتين يحاولون يثبتون إنهم بشر قدام كابتشا. ولا لقطة مرسومة ولا مصوّرة، كله كود كتبه Claude بـ Three.js في الشات العادي، حتى الوجوه والصوت. هنا البرومتات كاملة، وش تقدر تغيّر فيها، وملف المشهد الجاهز.

• سوّيناه في شات Claude العادي: الشخصيات والوجوه والكاميرا والصوت كلها كود.
• الروبوتات مبنية من صورة ريفرنس بأشكال Three.js بسيطة، بدون أي ملف مجسّم ولا برنامج 3D.
• السر بالتمثيل: كل تعبير ياخذ وقته، والكاميرا تقرّب على الوجه لحظة السؤال.

الطريقة

1. افتح شات Claude العادي (تأكد إن ميزة إنشاء الملفات وتشغيل الكود شغّالة).
2. ابدأ ببرومت الشخصيات وارفق صورة الريفرنس، بعدين برومت التعابير، بعدين برومت المشهد والقصة بعد ما تعدّل اللي بين الأقواس.
3. اطلب صور تجربة من كم لحظة. إذا الحركة سريعة أو المشاعر مو واضحة، الصق برومت التمثيل.
4. اطلب الصوت، بعدها معاينة صغيرة بالصوت، وبعدها الرندر MP4. الرندر الكامل في الشات ياخذ وقت (تقريباً ساعة إلى ساعتين لـ 25 ثانية).
5. تبي تختصر كل هذا؟ نزّل ملف المشهد الجاهز، ارفعه في الشات، وقل له وش تبي تغيّر.

وش تقدر تغيّر؟

كل شي بين الأقواس [ ] في البرومتات تقدر تغيّره. هذي أهم الأشياء:

ملفات للتحميل

البرومتات (6)

ارفقت لك صورة ريفرنس لروبوت. ابنِ في Three.js روبوتين بنفس الستايل بأشكال بسيطة (كرات، كبسولات، صناديق بزوايا دائرية) بدون أي ملف خارجي:
- خوذة كبيرة لامعة، وشاشة وجه سوداء عريضة منحنية مع الخوذة.
- سماعات أذن عليها حلقة ضوء، وضوء صغير فوق الراس.
- جسم صغير بدائرة مضيئة على الصدر، أيدي بأصابع، وأحذية فيها شريط ضوء.
الأول [كريمي وبرتقالي]، والثاني [أبيض وسماوي]، وكل واحد وراه ضوء بلونه.
بدون أي شعار أو كتابة من الصورة. طلّع لي صورتين لهم من قدام ومن زاوية جانبية قبل أي شي ثاني.

خلّ وجه كل روبوت شاشة مرسومة بالكود (canvas) فيها عيون مضيئة بجفون ممكن تميل، حواجب، وفم. أبي هالتعابير: [ثقة، تفكير، صدمة، زهق، ضحك، شك، توتر، قلق، عصبية، دوخة، فرحة].
أضف: قطرة عرق ثلاثية الأبعاد تنزل على الخوذة وقت التوتر، رجفة خفيفة، خدود محمرّة وقت الفرحة، وأسنان مشدودة وقت العصبية، والعيون تتحرك وتطالع اللي يشوفه.
طلّع لي صورة فيها كل التعابير جنب بعض عشان أختار.

سوّ لي بـ Three.js ملف HTML واحد فيه أنيميشن مدته [25] ثانية، مقاس [1080×1920 عمودي]، لوب كامل: آخر فريم نفس أول فريم.
المكان: [مكتب بالليل] وشاشة كبيرة عليها صفحة «إنشاء حساب» ومربع «أنا لست روبوت». النصوص اللي على الشاشة داخل المشهد بالعربي.
القصة:
0–3: [الأول] يمشي للشاشة بثقة ويضغط «أنا لست روبوت»، ويطلع تحدي «اختر كل الصور اللي فيها [إشارات مرور]».
3–5: يحط يده على ذقنه ويفكر، وعيونه تمسح الصور.
5–8: يختار 3 صور على مهله، يغمز للكاميرا، ويضغط «تحقّق»… «يرجى المحاولة مرة أخرى». ينصدم، و[الثاني] يضحك عليه.
9–12: [الثاني] يدفّه ويحاول بنفسه بثقة… ويفشل، والأول يضحك.
13–15: يطالعون بعض، بعدين يطالعون أيديهم بشك، وتطلع نافذة «متأكد إنك مو روبوت؟».
15–18: لقطات قريبة: يبلعون ريقهم، يعرقون، يطالعون بعض، ويهزون راسهم.
18–21: يعصبون ويضربون الشاشة براسهم، تتشقق وتطلع «تم التحقق — أنت إنسان رسمياً».
21–24: يطيحون، يقومون، يحتفلون ويتصافقون… والجلسة تنتهي «تحقّق مرة ثانية».
24–25: يرجعون لأماكنهم والمقطع يرجع لأوله بدون قطع.
القواعد: كل فريم يعتمد على الوقت بس (window.renderAt(t))، الكاميرا تتحرك بنعومة ولها شغلة بكل لقطة، ووجه الشخصية لازم يبان بلحظات المشاعر. طلّع لي أول شي 6 صور تجربة من لحظات مختلفة.

الحركة سريعة والمشاعر ما تلحق تبان. صلّح التمثيل كذا:
- كل تعبير يثبت على الأقل [0.6] ثانية قبل ما يتغير.
- كل حركة تبدأ بتمهيد صغير وتوقف بهدوء. الضغط على الشاشة: يمد يده، يضغط، يمسك لحظة، ويرجع.
- قبل كل اختيار يفكر لحظة (يميل راسه، عيونه تتحرك).
- بلحظات المشاعر (الخطأ، السؤال) الشخصية تلتفت للكاميرا والكاميرا تقطع للقطة قريبة على الوجه. لو الوجه مو باين، لف الشخصية مو الكاميرا.
- طوّل المقطع لو احتجت، وحدّث كل التوقيتات بعدها.
طلّع صور تجربة للحظات اللي صلّحتها.

سوّ صوت المقطع بالكود (Python) بدون ملفات صوت جاهزة، وكل صوت على توقيت حدثه بالضبط من نفس جدول التوقيتات حق المشهد:
- موسيقى تتغير مع القصة: [هادية بالبداية، متوترة وقت التحدي، سكوت ونغمة منخفضة وقت الشك، ضربة على السؤال، دقات قلب تسرع، طبول وقت العصبية، احتفال بعد التحقق].
- لكل روبوت صوت روبوتي خاص (طبقة مختلفة) يتكلم بلا كلمات حسب شعوره: ضحكة، تذمر، شهقة، بلعة ريق، أنين، زمجرة، «ياي». وخلّ فم الشخصية يتحرك مع صوتها.
- مؤثرات: خطوات، صوت مفاصل مع حركة الراس، ضغطات الشاشة، صوت الخطأ، تشقق الزجاج، وتشويش.
أضف صدى خفيف، ومستوى الصوت ‎-14 LUFS، وآخر صوت ما ينقص، والصوت يلف مع اللوب بدون قطع.

قبل الرندر الكامل طلّع لي معاينة صغيرة: [10] فريم بالثانية بدقة منخفضة مع الصوت، عشان أحكم على التوقيت والمشاعر.
إذا وافقت، رندر المشهد فريم فريم بمتصفح headless (كل فريم من renderAt(t))، [30] فريم بالثانية بمقاس [1080×1920]، واحفظ الفريمات على دفعات عشان لو وقف يكمل من مكانه. بعدها طلّع MP4 بـ FFmpeg: H.264، yuv420p، CRF 16، مع الصوت، وأرسل لي الملف.

⚠️ الشخصيات في مقطعنا بدون شعارات حقيقية. لا تحط شعارات شركات أو شخصيات محمية بحقوق على شخصياتك.