تعلّم Claude من الصفر… وسوّ أول فيديو لك بـClaude

2026-11-0511:45فيديو طويل

حلقة للمبتدئ: وين تلقى Claude، والفرق بين Chat وClaude Code ومتى تنتقل، والموديلات والحدود والاشتراكات، والملفات والبحث والذاكرة وProjects، وSkills وCLAUDE.md وGitHub، وكيف تكتب برومبت يعطيك اللي في بالك بالضبط، وبالآخر فيديو كامل من رسالة وحدة. هنا الدليل المجاني وكل البرومبتات تنسخها بضغطة.

• 1. وين تلقى Claude: الموقع، وتطبيق الجوال، وتطبيق الكمبيوتر (اللي أنصحك فيه)، ونفس الحساب بالثلاثة.
• 2. Chat وCode: الشات للأسئلة والكتابة والملفات وحتى الفيديوهات القصيرة. وCode يشتغل على ملفات جهازك داخل المجلد اللي تختاره، وأنت تختار Auto أو Manual.
• 3. متى تنتقل لـCode: ملفات كثيرة مربوطة ببعض، أو ترفع نفس الملفات كل شوي، أو ملفات جهازك وGitHub، أو شغلة طويلة يخلصها ويجربها لحاله. ولو مو متأكد، ابدأ بالشات.
• 4. الرد ما عجبك؟ عدّل رسالتك من علامة القلم، أو اضغط إعادة. لا تكتب رسالة جديدة.
• 5. الموديلات: Opus للشغل الكبير، Sonnet لأغلب شغلك اليومي، Haiku للأشياء الخفيفة. ابدأ بـSonnet.
• 6. الحدود: كل رسالة تاخذ على قد حجم الشغل، لأنه يقرا المحادثة كلها من أولها. كل موضوع جديد بمحادثة جديدة.
• 7. شغلك نفسه: ملفات، وبحث بالإنترنت مع المصادر، وذاكرة، وProjects لكل موضوع.
• 8. Skills والذاكرة (CLAUDE.md) وGitHub: وش هي، وكيف تضيفها بالشات وبـCode.
• 9. البرومبت: وش تبي، ولمين، وبأي شكل. وتجنّب 3 أخطاء: كل شي برسالة وحدة، ما تعطيه مثال، وتسكت لما النتيجة ما تعجبك.
• 10. أول فيديو: شغّل «Code execution and file creation» من الإعدادات، اكتب البرومبت، اضغط إرسال، وعدّل بملاحظات واضحة.

البرومتات (10)

أنت مدرّبي الشخصي عشان أتعلّم Claude من الصفر. كلّمني باللهجة السعودية، بجمل قصيرة، والأرقام بالإنجليزي.
علّمني بالترتيب، خطوة وحدة كل مرة:
1) وين ألقى Claude: الموقع claude.ai، وتطبيق الجوال، وتطبيق الكمبيوتر.
2) الفرق بين Chat وClaude Code، ومتى أحتاج Code.
3) تعديل رسالتي من علامة القلم، وزر الإعادة.
4) الموديلات (Opus وSonnet وHaiku) وأيها أبدأ فيه.
5) الحدود: ليش تخلص، وكيف أوفّرها، والاشتراكات.
6) الملفات، والبحث، والذاكرة، وProjects.
7) Skills، وملف CLAUDE.md، وGitHub.
8) كيف أكتب برومبت: وش أبي، ولمين، وبأي شكل، والأخطاء الثلاثة.
9) نسوي أول فيديو مع بعض من رسالة وحدة.
لكل خطوة: اشرحها بجملتين أو ثلاث، وأعطني تمرين صغير أسويه الحين، وانتظر لين أقول «تم» قبل ما تنتقل للي بعدها.
ابدأ بسؤالي: وش أكثر شي تبي تسويه بـClaude؟ وعلى أي جهاز تستخدمه؟

المحادثة طالت. اكتب لي ملخص فيه اللي سويناه ووين وقفنا، عشان أكمّل في محادثة جديدة.

هذا عقد إيجار. طلّع لي أهم 5 بنود لازم أنتبه لها قبل ما أوقّع، بكلام بسيط.

تذكّر: أنا [موظف تسويق]، أبي الردود مختصرة وباللهجة السعودية، والأرقام بالإنجليزي.

اكتب بوست إنستقرام يعلن عن [قهوة جديدة بمحلي]. الجمهور: [شباب بالرياض يحبون القهوة المختصة]. الشكل: ثلاث أسطر باللهجة السعودية، وسؤال بالآخر يشجع التعليقات، وبدون إيموجي زيادة.

قبل ما تبدأ، اسألني عن أي شي ناقص تحتاجه عشان تطلع النتيجة صح.

سوّ لي فيديو متحرك طولي 9:16 مدته 15 ثانية، عنوانه «3 أخطاء بالبرومبت»: 1) تبي كل شي من رسالة وحدة، 2) ما تعطيه مثال، 3) تسكت لما النتيجة ما تعجبك. الجمهور: مبتدئين على إنستقرام. الشكل: خلفية داكنة، لون برتقالي للتمييز، خط Cairo العربي، كل خطأ يظهر بحركة وعلامة ✗ وبعده الحل بعلامة ✓. سلّمني ملف MP4.

كبّر الخط، وخل الكلمات تظهر وحدة وحدة، وطوّل آخر شاشة لثلاث ثواني.

الشغل اللي سويناه نجح. حوّله لمهارة أقدر أستخدمها كل مرة، واكتب فيها الخطوات والأخطاء اللي صلّحناها.

نزّل هالـRepo على جهازي، اشرح لي وش فيه بكلام بسيط، وبعد أي تعديل استأذني قبل ما ترفعه.